L’Equipe ka shkruar se Paris Saint-Germain, përveç vështirësive shëndetësore pas rasteve të shumta me Covid-19, duhet të bëjë llogaritë edhe me bilancin.
Kampionët e Francës janë në kërkim të 70 milionë eurove për të rregulluar buxhetin dhe mund të vendosë të sakrifikojë dy yje për ta arritur këtë shifër.
Dy lojtarët me valixhet në dorë janë portieri Alphonse Areola dhe mesfushori Julian Draxler, i aktivizuar shumë pak dhe me një rendiment me ulje-ngritje qëkur ka shkuar në Paris.
Jo vetëm kaq, edhe i riu Loic Mbe Soh, i kërkuar shumë në atdhe dhe në Spanjë, rrezikon të ndryshojë ekip.
