Trajneri Luis Enrike i ka thurur elozhe talentit të Spanjës, Ansu Fati, dhe e ka këshilluar që të vazhdojë të punojë me seriozitet. “Ansu është i lumtur dhe unë jam i lumtur për të. Është vetëm 17 vjeç dhe bën gjëra spektakolare në fushë. Duhet të vazhdojë kështu. Të punojë dhe të stërvitet. E ka të ardhmen përpara”, ka thënë trajneri Enrike.
Më tej ai foli edhe për kapitenin Ramos dhe ecurinë e skuadrës. “Ramos është një fitues i lindur dhe na ndihmon që ky grup të rritet. Numrat e tij janë të pakundërshtueshëm dhe është një lider për skuadrën tonë. Në të ardhmen do të jetë pak a shumë ky grup lojtarësh, por të shohim nëse do të ndryshojë”, tha trajneri.
