Në një intervistë të fundit, legjenda e Portugalisë dhe ish-ylli i Barcelonës, Real Madrid dhe Inter, Luis Figo ka folur për momentet më të rëndësishme të karrierës së tij.
“Tre momentet në karrierën time janë padyshim fitorja e Kupës së Botës U-20 në Lizbonë, që hapi dyert për ne, më pas ndryshimi për të luajtur jashtë Portugalisë kur u transferova te Barcelona. Ishte një vendim jetik”, tregon Luis Figo.
“Momenti i tretë në mos katër, kur u transferova te Real Madrid dhe më pas kur u desh të nisja një aventurë të re në Itali në pjesën e fundit të karrierës time”, vjioi portugezi.
“Kur bën një ndryshim, mendon gjithmonë se do të jetë për më të mirën dhe ndryshimi i parë logjik ishte ai jashtë vendit tim. Isha shumë i ri dhe doja të provoja një eksperiencë të re për më shumë prestigj”, u shpreh Figo për transferimin e tij në La Liga te Barcelona.
“Ndryshimi i dytë ishte për të tentuar përmirësimin në të gjitha aspektet: ekonomikisht, prestigj dhe tituj. Ndërkohë, transferimi i tretë ishte për të kërkuar kënaqësinë futbollistike timen”, përfundoi Luis Figo.