Kingsley Coman është kthyer të flasë për futboll pas pushimeve të merituara që kanë ardhur pas fitores së Triplete-s me Bayern-in e tij.
Në një intervistë të dhënë për Sky, sulmuesi i bavarezëve ka komentuar golin e shënuar në finalen e Champions League, por ka thënë edhe se është gati dhe i motivuar për një tjetër Triplete.
“Goli im në finalen e Champions-it? Duhet të them se është një ndjesi shumë e bukur. Ai është sigurisht goli më i rëndësishëm i karrierës dhe jetës sime”, ka thënë Coman.
“Megjithatë, nuk e kam shijuar shumë sepse PSG kishte akoma mundësi të shënonte dhe duhej të ishim të përqendruar”.
Në lidhje me përqendrimin dhe motivimin, sulmuesi i krahut i bayern Munich ka folur edhe për të ardhmen duke filluar nga Superkupa e Europës:
“Sevilla është një skuadër e fortë. Ne jemi favoritë, është e vërtetë, por ata kanë fituar kundër Inter-it dhe duhet të bëjmë kujdes”.
“Sezoni i ardhshëm? Jemi të motivuar dhe të përqendruar që ta realizojm përsëri Triplete-n dhe të fitojmë gjithçka”.
