Maradonës duket se nuk i pëlqeu pyetja e gazetarit nëse Cristiano Ronaldo është më i miri në histori të futbollit, duke reaguar në një mënyrë të çuditshme.
Kush është lojtari më i mirë në histori të futbollit? Kjo është pyetja që u bëhet të gjithë legjendave.
Pele, Di Stefano, Maradona dhe Cruyff, janë disa nga lojtarët që konsideroheshin si më të mirët, derisa në skenë dolën edhe Lionel Messi e Cristiano Ronaldo, që kanë thyer shumë rekorde botërore.
I pyetur Maradona nëse Ronaldo është më i miri në histori, ai bëri një veprim të çuditshëm (nisi të qesh), të cilin tentoi më vonë ta ndreqë duke thënë: “Mund të jetë Di Stefano, Cruyff, mund të jetë Messi, po ashtu edhe Ronaldo”.
