I ftuar në studion e “Sky Sport”, ish-mbrojtësi dhe ikona e Interit, Xhuzepe Bergomi, ka analizuar merkaton e klubit zikaltër duke u nisur nga mesfusha hipotetike me Raxha Naingolanin dhe Arturo Vidalin së bashku në skuadër:
“Duhet arsyetuar gjithmonë mbi bazën se në futbollin e sotëm nuk mund të flitet më për 11 titullarë. Në çdo rol duhen pasur dy lojtarë të fortë dhe ata më pëlqejnë shumë për nga karakteristikat, temperamenti, inkursionet dhe golat. Të dy në formacion? Nuk e di. Vërtet që Konte luan me të njëjtën skemë, por është e nevojshme të motivojë skuadrën të luajë ndryshe. Personalisht, nëse do të ekzistonte mundësia, do t’i mbaja të dy”.
