Ivan Striniç do të jetë i detyruar të qëndrojë larg fushave të blerta për 3 deri në 4 muaj sipas asaj që ka thënë një kardiolog i famshëm.
Teksa ka folur për “Tuttosport.it” Bruno Karu ka thënë se lojtari kroat mund të mungojë shumë kohë për shkak të një rasti të rrallë të hipertrofisë kardiake.
“Për të kuptuar se çfarë lloj hipotrofie ka ai, Striniç duhet të largohet për të paktën 3 deri në 4 muaj. Një periudhë më e shkurtër nuk do të ishte e mundur, në mënyrë që lojtari të kontrollohet dhe të sigurohemi që diagnoza e tij nuk është më e keqe. Janë dy mundësi. Rasti që është më serioz është ai kardiomiopatisë hipertonike. Është një problem që shfaqet që në lindje dhe zhvillohet në moshë madhore. Është e njëjta që ka pasur dhe notari Domeniko Fioravanti”.- ka thënë doktori i mirënjohur.
