Ivan Perisic është kthyer në dispozicion të Antonio Conte-s dhe Inter-it, pasi është përshëndetur me Bayern-in pas fitores së Champions League.
Megjithatë, zërat për të ardhmen e kroatit vazhdojnë të qarkullojnë. Sipas FootMercato, ish-ylli i Wolfsburg ka përfunduar në shënjestrën e PSG-së.
Synimi i kampionëve të Francës duket se është t’i bëjë Inter-it të njëjtin propozim që Bayern-i i bëri 12 muaj më parë: huazim me të drejtën e blerjes.
Problemi i francezëve është se konkurrenca nuk mungon. Për Perisic, në fakt, interesohet edhe Manchester United.
