Tiago Silva ka debutuar me Çelsin në Premier Ligë ditën e sotme në përballjen me Uest Bromuiç, por jo gjithçka ka shkuar në mënyrën më të mirë të mundshme.
Në minutën e 25’, në tentativë për të pasuar te shokët e skuadrës, braziliani e dërgon topin te kundërshtari Robinson, me këtë të fundit që nuk ka falur, duke shënuar. Një moment i vështirë për Silvën, prej të cilit pritet shumë te Çelsi këtë sezon, për faktin se një nga repartet ku londinezët kanë pasur më shumë probleme ka qenë mbrojtja.
Pjesa e parë është mbyllur 3-0 për Uest Bromuiç, duke treguar se Çelsin nuk i bëjnë punë në kampionat as afrimet e shumta në merkato.
Callum Robinson scores his second goal after a Thiago Silva error #WBACHE
pic.twitter.com/599VFhYOaZ— FTTV World (@FTTV10) September 26, 2020