Në një konferencë për shtyp të zhvilluar nga grumbullimi me kombëtaren e Francës, Paul Pogba ka folur kështu për Eduardo Camavinga, ylli i ri i Rennes që ka shënuar në debutimin e tij me kombëtaren kundër Ukrainës.
“Është një kënaqësi ta shikosh të veshë fanellën e Francës. Goli në debutim, më pas, ka qenë me të vërtetë i mrekullueshëm. Jam me të vërtetë i lumtur për të, i uroj më të mirën”, ka thënë ylli i Manchester United.
“Ka gjithçka për t’u bërë një lojtar i madh, e ardhmja është në duart e tij. Më ngjan pak mua, nuk është i turpshëm, ka shumë besim në cilësitë e tij. Është një djalë i mirë, më pëlqen shumë”.
