Emergjenca e tmerrshme e Koronavirusit vazhdon dhe bota e futbollit është e përfshirë në mënyrë të pashmangshme.
Në këtë këndvështrim, sipas gazetës angleze “The Sun”, Milani mund ta shihte debutimin në Ligën e Europës të shtyrë, pikërisht për shkak të pandemisë që ka prekur të gjithë botën.
Kuqezinjtë, të angazhuar në 22 tetor kundër Sëlltikut në Skoci, mund të mos udhëtojnë fare për në Glasgou për shkak të një minibllokimi të urdhëruar ditët e fundit nga qeveria skoceze pasi është vënë re një rritje e fortë e rasteve me të prekur nga Koronavirusi. Nëse ndeshja nuk luhet, ajo do të mund të zhvillohet në datën më të afërt të disponueshme.
