Aventura e Klodian Duros si trajner i Feronikelit nuk ka nisur aq mira sa pritej, teksa në 3 ndeshje deri tani janë regjistruar 2 barazime dhe një humbje.
Me përforcimet e bëra në merkato, drejtuesit e klubit menduan se kishin ndërtuar një ekip që do të synonte titullin kampion, por rezultatet deri tani kanë treguar të kundërtën, teksa pas 8 javëve të para kanë grumbulluar vetëm 7 pikë. Ditën e djeshme skuadra e Duros barazoi 1-1 ndaj Besës së Pejës, një barazim që i ka kushtuar jo pak futbollistëve dhe stafit teknik.
Sipas asaj që raporton “Gazeta inFokus”, është marrë vendimi që lojtarëve dhe stafit të klubit nga Drenasi t’i mbahet 30% e rrogës së tyre, për shkak të rezultateve negative.
Thuhet se rrogat e muajit shtator që duhet të merreshin më 6 tetor, janë kaluar ditën e djeshme te lojtarët pas barazimit ndaj Besës së Pejës dhe aty ka pasur një zbritje prej 30%. Sipas burimit të sipërpërmendur, mësohet se vendimin për zbritjen e pagës së lojtarëve është marrë nga trajneri Klodian Duro.
