Dueli i shumëpritur mes Cristiano Ronaldo-s dhe Leo Messi-t nuk do të zhvillohet, por Juventus-Barcelona është padyshim ndeshja më e rëndësishme e mbrëmjes së sotme të Champions League.
Bardhezinjtë vijnë nga tre barazime radhazi në kampionat, ndërsa katalanasit duhet të harrojnë humbjen e rëndë të pësuar në Clasico.
Të dy ekipet kanë fituar ndeshjet e para të Champions-it dhe sot do të përballen për vendin e parë të grupit.
Andrea Pirlo rikuperon Leonardo Bonuçi-t, i cili do të jetë titullar në qendër të mbrojtjes mbrëmjen e sotme. Rabiot është preferuar para ish-lojtarit të katalanasve Arthur. Në sulm luan dyshja Dybala-Morata.
Ronald Koeman ka dhuruar më shumë se një surprizë në zgjedhjen e titullarëve për ndeshjen e sotme. Holandezi ka lënë jashtë Busquets, Dest dhe Ansu Fati. Pjanic do të jetë në mesfushë, ndërsa Griezmann do të udhëheqë sulmin i mbështetur nga Pedri, Messi dhe Dembele.
Formacionet zyrtare
Juventus (4-4-2): Szczesny; Cuadrado, Bonucci, Demiral, Danilo; Kulusevski, Bentancur, Rabiot, Chiesa; Dybala, Morata.
Barcelona (4-2-3-1): Neto; Sergi Roberto, Araujo, Lenglet, Jordi Alba; Pjanic, De Jong; Dembélé, Messi, Pedri; Griezmann.