Portieri, në futbollin modern, është një rol gjithnjë e më themelor edhe për ndërtimin e lojës së skuadrës. Një e vërtetë e përgjithshme, por që merr edhe më shumë vlerë te Barcelona.
Mbrëmjen e djeshme kundër Dinamo Kiev, Blaugrana festoi debutimin sezonal të Marc-André ter Stegen, numri 1 i Gjermanisë që ishte ndaluar që nga sezoni i kaluar për shkak të operacionit në gju.
Ter Stegen, pavarësisht pasivitetit prej dy muaj e gjysmë, u paraqit në formë të shkëlqyeshme dhe shpëtoi ekipin e tij me 6 pritje vendimtare.
Por ajo që godet shtypin spanjoll mbi të gjitha janë pasimet me këmbët e numrit “1”: 18 ato që u tentuan brenda 90 minutash, 18 ato që ishin të suksesshme.
