Një prapaskenë interesante është zbuluar nga mediat spanjolle për sa i përket largimit të mbrojtësit Serxhio Regilion nga Reali i Madridit. Sipas “El Confidencial”, arsyeja e shitjes së futbollistit 24-vjeçar spanjoll, ishte për shkak të një konflikti me Luka Zidan, djalin e trajnerit Zinedin Zidanit.
Regilion shkëlqeu te Sevija si i huazuar, teksa të gjithë menduan se Reali do t’i besonte një vend titullari këtë sezon, por “galaktikët” vendosën ta transferonin për 30 milionë euro te Totenhemi i Murinjos. Kujtojmë që Regilion dhe Luka Zidan kanë qenë shokë skuadre te skuadra e dytë e Realit, teksa nuk dihen arsyet e zënkës mes tyre.
