Serxhio Ramos pritet të larohet nga Reali i Madridit për të vazhduar karrierën në një tjetër skuadër. E sigurt për këtë është e përditshmja madrilene “AS”.Sipas saj, kapiteni dhe klubi “los blancos” janë shumë larg rinovimit. Kontrata e Ramosit skadon më 30 qershor të vitit tjetër. Real Madrid pranon të zgjasë bashkëpunimin edhe për një tjetër vit, por duke përfshirë disa klauzola dhe sigurisht ulje të përfitimeve të futbollistit.
Kjo nuk pranohet nga mbrojtësi, që për të qëndruar në skuadër pretendon të paktën një kontratë 2-vjeçare, diçka që nuk pranohet nga madrilenët.
ramos
Megjithatë PSG-ja është gati të plotësojë kushtet e futbollistit spanjoll. Po sipas “AS”, kampionët francezë ofrojnë 20 milion euro për një kontratë 3-vjeçare. Shifra të rëndësishme për një futbollist 34-vjeçar dhe që asnjë klub tjetër i interesuar për të nuk mund t’ia japë
