Ka përfunduar në barazim 2-2 sfida midis Barcelonës dhe Valencias në “Camp Nou”.
Sfida nisi me avantazhin e Valencias me Diakabi në minutën e 29’.
Lionel Mesi rikthen baraspeshën në minutën 45+4’ pas një penalltie të humbur por duke realizuar direkt pas ekzekutimit të saj.
Arauho i katalanasve u duk sikur përmbysi gjithçka në minutën e 52’, por Maksimilian Gomez realizon golin e 2-2 në minutën e 69’.
Me këtë barazim blaugranat klasifikohen në vendin e 5 me 21 pikë, ndërsa Valencia në të 12-ën me 14 pikë.
