Nikolo Barela luajti titullar me Interin, në ndeshjen e fituar nga zikaltërit me shifrat 6-2 ndaj Krotones, por menjëherë pas përfundimit të ndeshjes, mesfushori u nis me shpejtësi drejt spitalit.
Arsyeja? Bashkëshortja e tij, Federika Shievenin është duke lindur vajzën e tyre të tretë dhe për këtë arsye Barela vendosi të largohej menjëherë pas ndeshjes.
Italiani u zëvendësua nga trajneri Konte në minutën e 70’ për t’i lënë vendin Galjardinit, por ai priti derisa të përfundonte ndeshja, për të shkuar më pas pranë bashkëshortes.
