Gennaro Gattuso është një figure tërheqëse e futbollit. Trajneri i Napolit tregon gjithmonë një sens të shkëlqyeshëm humori. Gjatë gjithë karrierës së tij, ai ka lënë disa fraza për t’u mbajtur mend. “Kur pashë Pirlon duke luajtur, pyesja veten nëse duhej të ndryshoja profesionin”, – pranoi ai, duke aluduar për kohën e tij si lojtar i Milanit. Fitorja e djeshme e Napolit kundër Udinese (1-2) shërbeu për një perlë tjetër të “Rino”, pas ndeshjes. Ai tha për mikrofonat e “Sky Sports”: “Ne vuajtëm, por ishim të guximshëm. Jam i lumtur. Kjo skuadër nuk e ka pasur kurrë mentalitetin që të dijë të vuajë. Në futboll nuk është vetëm një fazë, ekziston edhe një përbërës emocional dhe karakteri”.
Pastaj, duke aluduar mbi atë “futbollin tjetër”, trajneri i Napolit lëshoi frazën e tij, për t’u kujtuar: “Ju nuk duhet ta shihni gjithmonë veten në pasqyrë si Brad Pitt. Ndonjëherë duhet të jeni edhe si Calimero, pak të shëmtuar dhe të ndyrë”. Po çfarë nënkupton ky krahasim? Calimero është një serial televiziv i animuar italian për një pulë antropomorfizuese simpatike, por të pafat; e vetmja e zezë në një familje pulash të verdha. Ajo e mban gjysmën e lëvozhgës së vezës ende në kokë…