Mbrojtësi shqiptar, David Domgjoni po tregon një formë të shkëlqyer në Turqi me skuadrën e Menemenspor, ku aktivizohet edhe shqiptari tjetër, Gentian Selmani, në Ligën e Parë.
Përveç se shkëlqen në prapavijë, 23-vjeçari bën edhe sulmuesin. Ditën e djeshme, Domgjoni ka gjetur rrugën e rrjetës me skuadrën e tij, në fitoren 4-2 ndaj Altinordu, duke shënuar golin e dytë për skuadrën e tij dhe të tretin e ndeshjes.
Ish-lojtari i Laçit shfrytëzon në mënyrë të përkryer një krosim nga Calis nga goditja e këndit, teksa kërcen mbi të tjerët, për ta gjuajtur topin me kokë dhe për ta ndalur atë në fundin e rrjetës.