Tashmë është zyrtare, Kuaduo Azamoah është lojtari i ri i Kaljarit. Ish-mbrojtësi i Interit dhe i Juventusit, pas vizitave mjekësore ka firmosur një kontratë deri në fundin e sezonit me skuadrën sarde. Azamoah do të mbajë veshur fanellën me numër 19.
Ganezi 32-vjeçar nis aventurën e tij të re, pas asaj me Interin, ku me zikaltërit për dy sezone u aktivizua në total në 53 sfida, 40 në Serinë A, 1 në Kupën e Italisë, 9 në Champions dhe 3 në Europa Ligë.
Lajmin e transferimit të Azamoas tek skuadra nga Sardenja e ka publikuar vetë klubi i Kaljarit me anë të një komunikate për shtyp në sajtin e saj zyrtar:
KOMUNIKATA E KLUBIT TË KALJARIT –
“Klubi i Kaljarit komunikon se ka arritur të transferojë lojtarin, Kuaduo Azamoah. Futbollisti ka firmosur një kontratë që do ta lidhë me klubin deri në përfundimin e sezonit.”
