Liverpool ka pësuar humbjen e dytë radhazi në shtëpi pas një serie të gjatë ndeshjesh pa pësuar humbje në sfidat e Premier League të luajtura në Anfield.
Këtë herë ka qenë Brighton që ka mposhtur Të Kuqtë, duke i çuar këta të fundit plot shtatë pikë larg Manchester City-t kryesues, që ka një ndeshje më pak.
Mbrojtësi Robertson ka komentuar momentin e vështirë, duke pranuar se skuadra e tij është jashtë luftës për titull.
“Brighton ka qenë skuadra më e mirë. Jemi shumë të zhgënjyer”, ka thënë ylli i Të Kuqve për BBC. “Kanë bërë me ne atë që donim të bënim ne me ata”.
Në lidhje në ndeshjen e ardhshme kundër Manchester Cityt:
“Çdo ndeshje kundër City-t është e rëndësishme, por ne nuk jemi në luftë për titullin në këtë moment. Jemi shtatë pikë mbrapa dhe ata kanë një ndeshje më pak. Duhet të kthehemi të hemi Liverpool-i që njohin të gjithë”.
