Mbrojtësi i Zenit-it, Dejan Lovren, ka thënë se Liverpool duhet të sigurohet që Mohamed Salah të ndihet i vlerësuar.
“Unë vazhdoj të flas me Mo Salah”, ka thënë kroati. “Jemi miq të ngushtë. Flasim për gjithçka”.
“Mo është i përkushtuar, jo vetëm për Liverpool-in, por për të gjithë fansat dhe veten. Ai është kritiku më i madh i vetes kur nuk luan mirë”.
“Dashuria duhet të jetë reciproke (mes Salah dhe Liverpool). Unë mendoj se kështu është. Ai është në kulmin e karrierës së tij. Pse të mos qëndrojë edhe për katër, pesë ose gjashtë vite të tjerë?”.
