Milani luan mbrëmjen e sotme ndaj Romës në transfertë, në një ndeshje ku kuqezinjtë do të kërkojnë të rikthehen te fitorja, e cila mungon prej 4 ndeshjesh.
Pioli ka menduar një lëvizje të papritur për këtë ndeshje, teksa ka vendosur të ulë në stol Alesio Romanjolin.
Ky i fundit po kalon një moment të vështirë, teksa edhe kritikat e tifozëve në drejtim të tij kanë qenë të shumta. Duke parë rëndësinë e ndeshjes dhe formën e kapitenit, Pioli ka vendosur ta ulë në stol, pasi mendon se ka nevojë për pak pushim.
Në vendin e italianit do të luajë Fikajo Tomori, i cili do të krijojë dyshen e mbrojtjes me Kjaer, ndërsa nga krahët do të jenë si gjithmonë Kalabria dhe Hernandez. Kapiten në sfidën e sotme do të jetë portieri Xhanluixhi Donaruma.
Formacioni i mundshëm (4-2-3-1): Donaruma, Kalabria, Kjaer, Tomori, Hernandez, Tonali, Kesi, Salemekers, Çalhanoglu, Rebiç, Ibrahimoviç.
