Pep Guardiola duket se ka gjetur vendin e ëndrrave.
“Ambicia ime e madhe ka qenë të provoja ‘football’-in. Nuk dua të them se nuk ndihesha mirë te Barcelona ose Bayern, përkundrazi, por kisha ëndrrën të vija këtu, të punoja te vendi i Shakespear, Beatles, Oasis… Nuk është vetëm për futbollin, ky vend është i veçantë”.
Këto kanë qenë fjalët e trajneri spanjoll, i zbarkuar në 2016-ën te City, në një bashkëbisedim në BTme Rio Ferdinand.
“Ndihesha si në shtëpinë time te Barcelona. Ashtu si te Bayern: nuk e imagjinon dot çfarë klubi, çfarë qyteti… Është një privilegj që kam qenë aty, por, këtu, pas 4-5 vitesh, ndihem kaq mirë”.
Dhe jo vetëm për rezultatet e jashtëzakonshme të Citizens në këtë sezon.
“Ndihem mirë tani, por jam ndier kështu edhe në sezonin e kaluar, kur nuk kemi fituar. Këtu kam miq, ndihem i mbrojtur, tifozët më duan, skuadra më ndjek, më pëlqen të punoj me ata”.
Ka edhe disa aspekte negative, ka shtuar duke bërë shaka: “Urrej vjeshtën dhe dimrin, do të doja me të vërtetë që të kishte një klimë më të mirë në Angli”.
