Napoli barazoi mbrëmjen e djeshme 3-3 me Sasuolon duke humbur shansin për tu afruar më shumë në katërshen kryesuese të kampionatit. Por një episod aspak i këndshëm ka ndodhur mbas ndeshjes me kapitenin Lorenco Insinje i cili ka shpërthyer në sharje ndaj ekipit të tij duke bërë jehonë në të gjithë Italinë.
Ka qenë trajneri Gatuzo i cili është përpjekur të qetësojë situatën, por grupi duket se është prishur, i zhgënjyer. Dhe imazhi i kapitenit Insinje i cili largohet nga fusha duke shkelur dhe ofenduar nuk është aspak i hijshëm në këtë fazë të kampionatit..
Penalltia e shkaktuar nga Manolas në ndeshjen e fundit dhe e kthyer në gol nga Kaputo ka çuar në shpërthimin e kapitenit i cili ka bërtitur me të madhe:“Çështë kjo skuadër muti” ,- duke përplasur dhe shishen e ujit.
Ndërkohë vetëm ndërhyrja e Gatuzos arriti të qetësonte Insinje, duke parandaluar shpërthimet nga degjenerimi në diçka më të keqe. Si përgjigje, Napoli ka vendosur të zgjasë bojkotin e daljes në konferencë për shtyp që filloi më 21 shkurt, pas disfatës së rëndë kundër Atalantës.
