Partizani nuk ka luksin të pushojë në këtë javë, për shkak se vetëm të mërkurën luhet ndeshja e radhës ndaj një kundërshtari shumë të fortë, Kukësit.
Kështu, ata kanë zbritur në stërvitje të dielën dhe ditën e djeshme, dhe kanë vijuar përgatitjet me ritëm të plotë.
Valentino Murataj është mungesa e vetme e sigurt për këtë ndeshje, teksa pjesa tjetër e lojtarëve janë stërvitur normalisht, pavarësisht disa shqetësimeve të vogla.
Skuka ka probleme muskulore, por me siguri do të sforcohet dhe do të jetë në “front” ndaj Kukësit.
Stërvitja e djeshme nisi shumë vonë, në orën 17:00, për shkak se në kompleksin ku stërviten “demat” kishte ndeshje të skuadrave të moshave.
Ndërkohë, në kompleksin e ri në Tufinë po rregullohen detajet e fundit përpara se skuadra më në fund të jetë në gjendje të stërvitet atje.