Xherard Pike ka ndrydhur ligamentin e gjurit të djathtë. Sipas njoftimit të klubit katalanas, mbrojtësi ka bërë ekzaminimet dhe ka lajmëruar dëmtimin.
Koha e rikuperimit të lojtarit nuk dihet ende, por varet nga mënyra se si do të evoluojë në ditët në vazhdim. Pike u dëmtua gjatë gjysmëfinales kundër Sevijes në kohën shtesë pasi në minutën e fundit të kohës së rregullt kishte barazuar sfidën. Ai qëndroi në fushë duke shtrënguar dhëmbët, por lajmet nuk janë aspak të mira.
Bëhet fjalë për të njëjtin dëmtim që e la jashtë fushave të lojës për 3 muaj dhe stafi teknik i skuadrës është alarmuar duke iu trembur një tjetër dëmtimi për një kohë të gjatë.
