Arsenali duket se është lodhur me qëndrimin jashtë UEFA Champions League, kompeticion që nuk e shijon që nga sezoni i largët 2016-2017.
“Topçinjtë” e Londrës pritet të bëjnë shumë ndryshime në merkaton e verës, ku objektivat e parë janë piketuar. Sipas mediave në Angli, për mbrojtjen preferohet Ibrahima Konate.
Qendërmbrojtësi i Leipzig shihet si një ndër lojtarët më premtues dhe Arsenal ka bërë gati ofertën për drejtuesit gjermanë. Londinezët kanë gati 35 milionë euro për të bindur Leipzigun, që e ka afruar me parametra zero Konaten, katër vite më parë nga Sochaux.
Gjithsesi ka një problem madhor për Arsenalin, pasi për lojtarin interesohet edhe Reali i Madridit, që e sheh si një pasues të mundshëm të Sergio Ramos.
Konate është vetëm 21 vjeç dhe shihet si një lojtar me potencial shumë të madh.
