Prekja e topit me dorë nga Klemo Lengle u bë çështje në ndeshjen Barcelona-Sevija dhe mbrojtësi tregon versionin e tij. Lojtari i Barcelonës thotë se ishte me fat që arbitri nuk fërshëlleu 11-metërsh sepse nuk i ka ecur shumë me gabimet.
Si e përjetuat këtë përmbysje?
Goli i dytë vonoi pak, por erdhi në momentin e duhur për të siguruar shtesën. Ishte një fitore e merituar dhe sigurisht që jemi shumë të lumtur.
Jeni duke u bërë specialistë të shtesave në këtë sezon…
Kemi shumë shtesa dhe minuta në këmbët tona. Nuk jemi mësuar që të luajmë kaq shumë si në këtë sezon, por i tillë është kalendari dhe duhet të shohim përpara.
Vuajtët në momentin e penalltisë?
Po. Vuajta shumë te penalltia e Okamposit, por Ter Shtegen e ndali në mënyrë spektakolare dhe na dha jetë e besim në ato momente.
Pastaj erdhi goli i Pikesë…
Pikenë e vlerësoj dhe e admiroj shumë. Është një lojtar shumë i rëndësishëm për skuadrën tonë.
Në fund VAR-i nuk vendosi që prekja juaj ishte penallti.
Kohët e fundit po më ndodhin të gjitha të këqijat me këto prekjet e topit me dorë. Kisha frikë për më të keqen. Për fatin tim të mirë, këtë herë arbitri nuk e fërshëlleu. Kisha vënë duart në kokë dhe isha i shqetësuar.
