Erling Haland është ëndrra e shumë skuadrave të mëdha në Europë, por duket se sulmuesi norvegjez i ka idetë e qarta për të ardhmen e tij.
Për momentin është i fokusuar totalisht te Borusia e Dortmundit, ndërsa dëshira e tij është që një ditë të luajë për Realin e Madridit. Edhe këta të fundit po e ndjekin me vëmendje rritjen sportive të Halandit, i cili ka qenë një nga zbulimet më të mëdha në dy sezonet e fundit.
Në Madrid mendojnë se është i duhuri për të zëvendësuar Benzemanë dhe vetë Haland e sheh si ekipin perfekt për të fituar trofe të rëndësishëm në aspektin individual, por edhe me skuadrën. Mbetet për t’u parë si do të ecin edhe bisedimet për Mbapenë, të cilin Reali gjithashtu e ka në listë.
