Tirana e cila nesër luan ndaj Kastriotit në stadiumin “Kamza” me fillim nga ora 15:00, për mediat ka folur lojtari i bardhebluve Marsel Ismailgeci i cili analizon këtë takim tepër të rëndësishëm për Tiranën:
Atmosfera e grupit – “Atmosfera është e mirë, grupi është i bashkuar, dy fitoret e fundit na kanë bërë mirë. Besoj do të fitojmë edhe këtë ndeshje.”
Impenjimi – “Për sa kohë jam këtu tek Tirana do të bëjë më të mirën dhe të fokusohem vetëm këtu.”
Tirana me trajnerin Shehi – “Në dy ndeshje nuk na ka ecur fati, pavarësisht punës së mirë të trajnerit, tashmë jemi duke fituar dhe kemi bërë mirë këto ndeshje. Besoj do të vazhdojmë kështu.”
Titulli kampion – “Ne fokusohemi vetëm tek ndeshja e radhës, ai është objektivi ynë.”
Gara për Europën – “Ne shohim t’i marim ndeshjet një nga një dhe pse jo të arrijmë sa më lart.”
