Armando Sadiku nuk ka qenë në ndeshjen e parë kualifikuese që Bolivar ka zhvilluar në transfertë për Kupën e Libertadores. Sulmuesi i Kombëtares mungon prej disa ditësh në stërvitje me skuadrën për shkak të problemeve në stomak.
Kjo ka bërë që të mos ishte në përballjen kundër skuadrës uruguaiane të Uanderers. Megjithatë, në kualifikueset e kompeticionit të ëndrrave për shqiptarin dhe çdo skuadër të Amerikës Latine, Sadiku e ka emrin në listë dhe mund të jetë gati për sfidën e kthimit më 16 mars për të dhënë kontributin e tij që Bolivar të sigurojë kualifikimin në “Champions”-in amerikano-latin.
