Xherdan Shaqiri ka folur me fjalë të mëdha, për talentin grek të Liverpulit, Kostas Cinmikas. Ky i fundit u bashkua në merkaton e verës me skuadrën angleze nga grekët e Olimpiakos. Mbrojtësi i majtë ka krijuar një shoqëri të mirë me Shaqirin, teksa këtë e ka konfirmuar ky i fundit në një intervistë të dhënë.
“Cimikas, është një njeri shumë i mirë. Vjen gjithnjë i qeshur në stërvitje. Kjo është shumë e rëndësishme. Ai është një nga shokët e mi më të mirë. Mundohem ta ndihmoj sa herë ka nevojë për ndihmë. Është një djalë i qeshur.
Sigurisht ai nuk ka luajtur shumë ndeshje këtë sezon, por ne i shikojmë cilësitë e tij në stërvitje. Unë mendoj se në të ardhmen do të shpërblehet për këtë [punë që po bën. Unë shpresoj që të gjejë sa më shumë minuta, pasi ka cilësi të mëdha. Jam i sigurt që do bëhet një lojtar i rëndësishëm për ekipin.”, tha Shaqiri.
