Ka nisur me një barazim në shtëpi aventura e Francës në kualifikueset për Katar 2022.
Kampionët e botës në fuqi nuk kanë shkuar më larg se një barazim 1-1 kundër Ukrainës në shtëpi, ndeshje e vlefshme për Grupin D.
Griezmann ka hapur sfidën me një magji në minutën e 19-të, por ukrainasit kanë mundur të largohen nga Parisi me një pikë falë autogolit të Kimpembe në minutën e 57-të.
Mbrëmje historike për Mbappe, i cili, në moshën 22 vjeç e 3 muaj, është bërë lojtari më i ri në historinë e kombëtares franceze me 40 ndeshje të luajtura.
Edhe ndeshja tjetër e këtij grupi, ajo mes Finlandës dhe Bosenjës, është mbyllur na barazim. Sfida e Helsinki-t është mbyllur me shifrat 2-2.
Buzëqesh Belgjika, që ka mposhtur 3-1 me përmbysje Uellsin në Grupin E.
Wilson (10′) ka shënuar në fillim për miqtë, më pas belgët janë kundërpërgjigjur mr De Bruyne (22′), Thorgan Hazard (28′) dhe Lukaku (73′, pen.).
Kreu i këtij grupi mbahet nga Republika e Çekisë që ka mposhtur 6-2 Estoninë në transfertë.
