“Sipas mendimit tim, Juve nuk është penduar që shkarkoi Sarrin, pavarësisht se fitoi titullin, ngaqë palët nuk patën kurrë mirëkuptim mes tyre”. Nicola Amoruso, ish-sulmuesi i Juventusit, foli për “Radio Crc”: “Sigurisht, në vendin e tij erdhi Pirlo, i cili nuk kishte asnjë përvojë si trajner. Edhe kampionë të tjerë të mëdhenj si Guardiola dhe Zidane, gjithashtu kanë arritur majat si trajnerë, por para se të merrnin drejtimin e Barcelonës dhe Realit kishin fituar përvojë në ligat e vogla. Pirlo bëri debutimin e tij në ekipin e pare të Juventusit menjëherë. Për këtë arsye, për mendimin tim, ai nuk ka asnjë faj. E meriton të ketë një shans tjetër te Juventusi”.
Amoruso është gjithashtu një ish-lojtar i Napolit. Sfida, vendimtare për zonën e Ligës së Kampionëve midis dy ish-skuadrave të tij, është planifikuar pas Pashkëve: “Psikologjikisht, Napoli do të shkojë atje më mirë, por do të jetë ende një ndeshje e hapur. Gattuso ka treguar se me shërimin e të dëmtuarve e ka rikthyer Napolin në rrugën e duhur. Kritikat ndaj tij kanë qenë të padrejta. Osimhen ka ende shumë për të përmirësuar, por do të jetë në gjendje të japë kontributin e tij”.
