Vijnë zëra për një krizë të mundshme mes Paulo Dibalës dhe të fejuarës së tij Oriana. Sipas lajmeve që qarkullojnë në vendlindjen e numrit 10 të Juventusit, fantazisti argjentinas është parë duke darkuar me një tjetër vajzë, duke shtuar zërat për një tradhti të mundshme ndaj këngëtares. Megjithatë, ende nuk konfirmohet një ndarje mes çiftit dhe as ndonjë krizë mes tyre.
Gjithsesi, janë zëra që nuk i bëjnë mirë situatës së futbollistit, e ardhmja e të cilit në Torino mbetet në dyshim. Mes tij dhe klubit bardhezi nuk ka kontakte për rinovimin e kontratës, duke ringjallur edhe një herë tjetër zërat e një divorci të mundshëm me kampionët e Italisë në merkaton e verës.
