Një lajm shumë i keq ka ardhur për Realin e Madridit ditën e sotme. Ekipi i Zidane ka humbur shërbimet e Lucas Vasquez për pjesën e mbetur të sezonit.
Spanjolli ka pësuar një dëmtim në ligamentin e kryqëzuar në sfidën e mbrëshme ndaj Barcelonës, të cilën edhe e mbylli që në pjesën e parë, ku vendin e tij e mori Odriozola.
Lajm shumë i keq ky që prish jo pak humorin pas fitores ndaj Barcelonës në klasike. Kujtojmë se Reali ka përpara edhe ndeshjen ndaj Liverpoolit në Champions League.
