Ish-sulmuesi i Inter-it, Christian Vieri, ka sulmuar ashpër presidentin e Napoli-t, Aurelio de Laurentiis, për zgjedhjen për të larguar Gattuso-n në fundin e sezonit, që duket se është pothuajse e sigurt.
Napolitanët sapo kanë rikuperuar shumë nga futbollistët e tyre nga dëmtimet dhe Covid , dhe janë kthyer të vrapojnë në kampionat, por disa telefonata të bëra nga drejtuesit e skuadrës në nëntor nuk janë pëlqyer nga Gattuso.
Vieri është marrë me këtë çështje dhe nuk e ka kursyer numrin një të Napoli-t:
“De Laurentiis shkakton vetëm disa katastrofa të pabesueshme. 4 pikë larg Milan-it dhe duhet të dëgjoj se Gattuso duhet të largohet… ai është problemi i Napoli-t”, ka thënë ish-sulmuesi në kanalin e tij në Twitch.
“Sapo janë kthyer të gjithë, si Mertens, ka bërë menjëherë diferencën. Mjafton të rikthehen lojtarët më të mirë dhe ka një skuadër të madhe, me lojtarë të vërtetë”.
