Pronari i Reggiana, legjenda e bejsbollit Mike Piazza, ka akuzuar disa individë të korruptuar dhe të pisët pas eliminimit nga play-offet e Serie C.
Reggiana humbi 2-1 ndaj Siena-s në çerekfinalen e play-offit pasi kundërshtarit iu dha një penallti në minutën e 10-të shtesë, megjithëse pamjet tregojnë se faullin e kishte shkaktuar sulmuesi.
“Nuk isha në gjendje të komentoja mbrëmjen e kaluar pasi duhet të kthehesha në shtëpi te fëmijët e mi,” shprehet Piazza nëpërmjet faqes zyrtare të klubit.
“Më vjen keq për ata që duhet të jenë dëshmitarë të këtij korrupsioni dhe inkompetence. Jam tepër i hidhëruar dhe i inatosur, më vjen keq për tifozët e mi, nuk e meritojnë këtë.
“Është një ditë e keqe për futbollin italian. Nuk do ta kuptoj sesi disa individë të pisët dhe të korruptuar mund ta prishin këtë lojë të bukur.”
