Ndeshjet kualifikuese për në Botërorin “Katar 2022” në Afrikë mund të shtyhen për në shtator pasi instalimet e dobëta në stadiumet e kontinentit mund të sjellin tjera vonesa.
Ndeshjet e planifikuara për tu luajtur tetorin e vitit 2020 u shtyn për shkak të pandemisë, por tani mund të shtyhen përsëri. Lajmin e komunikoi vetë presidenti i federatës të futbollit në Afrikën e Jugut, Dani Xhordan duke u shprehur se pritet miratimi nga federata e përgjithshme për të bërë zyrtare shtyrjen e afatit të ndeshjeve.
“Ne jemi duke pritur për konfirmimin përfundimtar nga Konfederata Afrikane e Futbollit, por për momentin po mendojmë që ndeshjet kualifikuese të fillojnë në shtator dhe jo në qershor”, u tha gazetarëve Dani Xhordan.
