Interi fitoi titullin kampion të Serisë A pas një mungese prej 11 vitesh dhe thelbësore në këtë arritje ishte dhe kontributi i 4 ish-lojtarëve të Mançester Junajtid të cilët zikaltrit kanë transferuar gjatë këtyre 2 viteve.
Romelu Lukaku, Ashli Jang, Aleksi Sançez dhe Mateo Darmian kanë qenë më parë pjesë e “djajve të kuq” duke u larguar më pas drejt Interit.
4-shja ka vendosur të bëjnë një foto së bashku që nga të gjitha mediat është quajtur si “fotoja hakmarrëse” ndaj Junajtid që i largoi.
“Djajtë e kuq” ende nuk kanë fituar një titull që prej largimit të tyre, teksa kanë mundësinë që ta bëjnë këtë vit pasi kanë arritur finalen e Ligës së Europës.