Ish-sulmuesi i Udinezes dhe i kombëtares italiane, Antonio Di Natale është konfirmuar në pankinën e skuadrës së Karrarezes, e cila militon në Serinë C italiane.
Ish-sulmuesi i njohur ka firmosur një kontratë 2-vjeçare deri më 30 qershor të 2023 me klubin e Karrarezes nga ku e mori këtë detyrë zyrtarisht në muajin prill. Tekniku 43-vjeçar e renditi skuadrën në vendin e 16 të Serisë C në Grupin A.
Di Natale ka patur eksperienca të tjera tek skuadra e Specias ku ka qenë zëvendëstrajner i skuadrës së parë dhe trajner i U-17 të Specias. Lajmin e rinovimit të kontratës me trajnerin Di Natale, e ka bërë vetë publike klubi i Karrarezes me anë të një komunikate në sajtin e saj zyrtar.
KOMUNIKATA E KLUBIT TË KARRAREZES –
“Klubi i Karrarezes komunikon se ka arritur një akord 2-vjeçar deri më 30 qershor 2023 me trajnerin Antonio Di Natale, i cili do të udhëheqë skuadrën tonë.”
