Markus Rashford këmbëngul se Anglia nuk ka frikë nga Gjermania pavarësisht rekordit pozitiv të rivalëve kundër “Tre Luanëve” në turnetë e rëndësishëm.
“Ne jemi të bekuar që jemi pjesë e kësaj historie. Fokusi ynë kryesor do të jetë që të fitojmë ndeshjen. Nëse do ta bëjmë, do të hyjmë në histori. Kështu mbahen mend skuadrat e shkëlqyera.
Nuk ka arsye për të pasur frikë nga e shkuara. Ti nuk mund të kthehesh pas dhe ta ndryshosh atë. Ajo që ne mund të ndryshojmë është vetëm rezultati i ndeshjes së ardhshme.
Është një duel që përfshin lojtarët më të mirë, kështu që është nga ato ndeshje që ti mezi e pret. Duam të testohemi kundër më të mirëve.
Për ta fituar turneun, duhet të mundësh më të mirët”, tha sulmuesi i Junajtidit.
