Ndeshja mes Holandës dhe Republikës Çeke do të luhet në orën 18:00 në fazën e 1/8-ve të “Euro 2020”. Një sfidë që duket se ka filluar përpara se arbitri t’i fryjë bilbilit. Tifozët kanë filluar spektaklin e tyre.
Janë holandezët ata që kanë vërshuar rrugëve të Budapestit për të mbështetur kombëtaren e tyre në një takim tepër delikat dhe të luftuar.
Të veshur të gjithë me ngjyrën karakteristike të Holandës atë portokalli, tifozët kanë “ngjyrosur” k gjithë Budapestin duke mbështetur skuadrën e tyre të zemrës.
Mbi 60 mijë tifozë do të jenë të pranishëm në stadiumin “Pushkash Arena”, duke i dhënë një tjetër adrenalinë speciale kësaj ndeshjeje.
What a day so far 🤩 🇳🇱#EURO2020 #NEDCZE pic.twitter.com/4FW1ofH87o
— OnsOranje (@OnsOranje) June 27, 2021