Pritej me shumë entuziazëm në Shkodër, por tashmë duket gjithçka e sfumuar si transferim. Bëhet fjalë për sulmuesin ganez Ngisah Bismark, i cili duhej të mbërrinte sot në aeroportin e Rinasit, por ai është ndaluar nga autoritetet e aeroportit të Milanos duke e bërë kështu ndalimin e këtij transferimi tek Vllaznia.
Arsyeja ka qenë pasaporta e tij që i skadon për më pak se tre muaj, ekzaktësisht në shtator të këtij viti dhe udhëtimet janë të ndaluara deri 6 muaj përpara.
Ky lajm nuk ka qenë aspak pozitiv për klubin e Vllaznisë pasi kishin bërë çdo gjë gati që sulmuesi të ishte në dispozicion të trajnerit Thomas Brdariç për Kupat e Europës.
Bismark është aktivizuar me Pro Seston në Serinë C italiane, gjithashtu ai ka mbajtur veshur edhe fanellën e Kievos në Itali.