Hijet e COVID-19 vijojnë të ndjekin futbollin edhe në “Euro2020”. Rastet me lojtarë të prekur nuk janë të paktë, i fundit ishte Ivan Persic, për ketë arsye rregullat e vendosura nga UEFA por dhe nga vetë stafet e përfaqësueseve po bëhen gjithnjë e më strikte. Një moment të vështirë po përjeton edhe përfaqësuesja franceze, Didier Deschamps ende pa nisur turneu i paraqiti lojtarëve rregullat, izolim total, as bashkëshorte, as fëmije, as të dashura e as miqtë nuk lejohen brenda hotelit: “Është e vështirë për të gjithë, për lojtarët dhe për stafin, por duhen pranuar”, u shpreh pak kohë më parë Griezamann mbi këtë temë.
Ky izolim total po kthehet në shqetësim për lojtarët, fakt të cilin e pranon sërish Griezmann: “Nuk mund të prekim askënd, as familjarët”. Ky izolim total sipas “Le Parisen” po sjell tension pasi bëhet fjalë për djem të rinjë, që nuk mund të përkëdhelin askënd, nuk mund të puthin as të dashurat e tyre. Maksimumi që lejohet është që familjarët të ndjekin ndeshjen nga tribuna, thjeshtë mund të përshëndeten në distance, por vetëm kaq nuk mjafton.
