Teuta pësoi një humbje 0-2 turpëruese në “Niko Dovana” ndaj rivalëve nga Andorra, Inter D’Eskaldes.
Skuadra e Martinit e nisi vrullshëm ndeshjen, por humbët disa raste të mira për shënim. Pikërisht në momentin më të mirë të “djemve të detit”, Sol De Vila kaloi në avantazh Inter D’Eslakdes me gjuajtjen e parë në portë.
Në pjesën e dytë, Teuta u hodh në kërkim të golit të barazimit, por nga një gafë në mbrojtje e Hoxhës dhe kapiten Arapit, kampionët e Andorras shënuan dhe golin e dytë dhe të nokautit. Një humbje turpëruese për kampionen e Shqipërisë e cila vinte si e favorizuar në letër, por gaboi gjithçka duke nënvlerësuar kundërshtarin.
