Bardheblutë ishin prej kohësh në kërkim të një lojtari për të zëvendësuar Idi Bathën e larguar drejt Rumanisë dhe me sa duket, e kanë gjetur atë, pasi kanë arritur akordin me mesfushorin, i cili ka qenë për shumë vite pjesë e Shkëndijës së Tetovës.
Një lojtar që prej vitesh është titullar te Shkëndija. Sezonin e fundit Enur Totre ka luajtur 20 takime, duke shënuar katër gola dhe dhënë katër asiste.
Lojtari pati mosmarrëveshje me Shkëndijën dhe pas një viti të gjatë u largua i lirë nga kuqezinjtë, me të cilët nuk kishte më kontratë. Mesfushori firmosi kontratë 3-vjeçare me bardheblutë e Tiranës.
