Milani ka prezantuar edhe transferimin e dytë për ditën e sotme. Bëhet fjalë për futbollistin e talentuar, Jasin Adli që vjen nga radhët e Bordo.
Palët kanë rënë dakord për një transferim mbi bazën e 10 milionë eurove, por futbollisti do të qëndrojë në huazim te Zhirondinët edhe për një sezon, ndërsa transferimi i tij në oborret e “Djallit” do të plotësohet vitin tjetër.
Adli është vetëm 21 vjeç dhe ka dalë nga akademia e PSG-së, teksa në vitin 2019 u transferua te Bordoja ku ka luajtur 64 ndeshje të zbukuruara nga 5 gola.
Gjithashtu, Adli është aktivizuar në të gjitha ekipet zinxhir të Francës dhe një kalim te Milani do të ishte mundësi e mirë për të arritur dhe kombëtaren A të “Gjelave”. I aftë të luajë në çdo rol të mesfushës, ai konsiderohet një lloj xholi që përparësi do të ketë pozicionin e fantazistit.
“AC Milan është i lumtur t’iu njoftojë nënshkrimin e Jasin Adli nga Bordo. Futbollisti ka nënshkruar kontratë deri më 30 qershor 2026. Adli do qëndrojë te klubi francez huazim për një vit”, shkruhet në komunikatën zyrtare.
Official Statement: Yacine Adli ➡ https://t.co/Ajb6V3pcSs
Comunicato Ufficiale: Yacine Adli ➡ https://t.co/MWK6BUqMGy#SempreMilan pic.twitter.com/dkSwLtHFwJ
— AC Milan (@acmilan) August 31, 2021
